Latgales nostūra himma....Latgales nostūra himna
Sovā dzerevnē vīns pats
Dzeivoju jou trešyjs gods,
Nav vairs veikala i počtys,
Tōli joīt tān da točkys.
Ustabeņai jumteņš bryuk,
Ratu reizi truba kiup.
Moskvičš pogolmā vairs naryuc,
Bendzins beidzīs, dzeļži saryus. pīdzīdōjums(ar skaļu bļōvīni, tai nu sirds) Ķeijā, traļļaļļā,
Slava myusu vaļdeibai!
Tōlredzeiga poļitika:
Poši rasni, tauta plyka! Eliktreibas nav jou godi,
Nūzogti nu stobim vodi,
Tai pa tymsu vīns pats sādu,
Ekanomeju - moz ādu!
Apsūlītī treknī godi
Pazuduš kai mežā strodi.
Sev soku:" Donāt, nebēdā,
Esam taču Eiropā!" Agrōk myusu cīmā beja:
Četrudesmit saimisteibas,
Divas permas, klubs ar ķinu,
Bibļateks ar tanti Zinu,
Stanceja ar dzelzceļu,
I autobuss ar lelceļu,
Sōkumskūla, četras klases,
Punkts, kur izdūd zyrgu pases. Tādin myusu cīmā dryumi,
Apleik tikai kōrklu kryumi,
Upē savīsušīs bebri,
Vysur naizbrīnami dzebri.
Taidā vītā dzeivōt veļim,
Kūki aug pa slīžu ceļim,
Permas sakrytušas obas,
Vyss tys nav nu dzeives lobas. Pyrms treissimt godim Lylījs mārs,
Bej myusu puses ļaužus ķārs,
Nōca naskaitami kari
Boda laiki cīši gari,
Kolhozi i Sibireja,
Vysu tautu naiznīdeja,
Beidzūt pošu mōjas sučkas
Laukus davede da ručkas. Kur ni verīs, vysur klusi,
Process īt uz vīnu pusi.
Runoj, piec sekretnim plānim,
Itai vītā jobyut klānim.
Cylvāki te traucej dobai,
Politiķu dzeivei lobai.
Tōpiec svarīgōkō līta,
Panōkt lai te tukša vīta. Piec soceļizma sabrukuma,
Cylvāki ni v`ysai skuma,
Breša zemnīki ar sporu,
Toutas pacāluma goru,
Zemi ora, groudus sēja,
Courom dīnom svīdrus lēja,
Cikom vīndīn apjēdze,
Ka vaļdeiba jūs apjōja... Vari strōdōt tu cik grybi,
Beigōs dabōsi tik pigu.
Jo taidi, tanteņ, lykumi,
Ka palīk tikai plykumi.
Kur ni verīs, Saeimā, VIDā,
Vaļdeibā voj myusu PIDā,
Vysur devaļvaceja,
Splašnaja degradaceja. Dieļ tō, ka strōdōt navā jāgas,
Touta prūm nū cīma bāga,
Uz Bolvīm, Reigu, Viļaku,
Uz Īreju i Angleju.
Ja jou itaidas tos lītas,
Krušōk prūm nū pūsta vītas,
V`ysi tādin prūjam ira,
Beidzamī uz vītas myra. Ķeijā, traļļaļļā,........u.tt. |
